واحد فيكم دخيل... ومايعرف الكلمة
اجمع جماعتك حول شاشة وحدة، كل واحد يفتح الجوال، وشوفوا مين بيكشف نفسه أول.
كيف تلعب
سوّوا غرفة
المضيف يسوي غرفة ويشارك الكود مع الجماعة.
انضموا من الجوال
كل لاعب يدخل الكود من جواله ويكتب اسمه.
دور الدخيل
الكل يشوف الكلمة إلا الدخيل. كل واحد يقول كلمة مرتبطة بدوره، وبعدها نقاش وتصويت.
فئات الكلمات
فئات كلمات عربية أصيلة تناسب كل جمعة: من أكلات بيت أمي، لكرة القدم، للتراث والمجلس.
أسئلة شائعة
كل اللي تحتاج تعرفه قبل ما تجمع جماعتك
لازم أنزل تطبيق؟
لا، الدخيل لعبة جماعية اونلاين تلعبونها مباشرة من المتصفح بدون تحميل أو تثبيت. المضيف يفتح الشاشة الرئيسية من أي جهاز (لابتوب، تلفزيون، أو تابلت)، والباقي ينضمون بكود الغرفة من جوالاتهم.
كم لاعب يقدر ينضم؟
تقدرون تلعبون بـ 3 لاعبين بس (الباقي بالذكاء الاصطناعي)، وتوصلون لين 10 لاعبين في نفس الغرفة، مناسبة لتجمع العائلة أو جمعة الأصدقاء الكبيرة.
اللعبة مجانية؟
إي، الدخيل مجانية بالكامل: كل فئات الكلمات وجولات غير محدودة ولين 10 لاعبين، بدون أي اشتراك أو مقابل.
وش احتاج عشان ألعب؟
بس شاشة وحدة (لابتوب، تلفزيون، أو تابلت) تحطونها وسط المجلس، وكل لاعب يفتح اللعبة من جواله الشخصي عشان يشوف كلمته السرية، أو يكتشف إنه الدخيل.
اللعبة بالعربي؟
إي، الدخيل عربي بالكامل، مع إمكانية التبديل للإنجليزي بضغطة وحدة، مناسبة للمجالس والعوائل اللي فيها جنسيات مختلفة.
شلون أفوز إذا كشفوني أني الدخيل؟
إذا الجماعة صوتت عليك وطلعت الدخيل، عندك فرصة أخيرة تخمن الكلمة السرية، لو خمنتها صح تسرق الفوز من تحت أيديهم!